Sali Berisha, Ilir Meta dhe Lulëzim Basha kanë pirë kafe mesditën e sotme në Hotel Rogner, në mjedis publik, në shenjë mbështetje ndaj ish- zëvendëskryeministrit, i cili gjykohet ditën e hënë për korrupsion aktiv dhe që prokuroria i ka kërkuar dy vjet burg. Takimi ka zgjatur për rreth 1 orë e 30 minuta. Ky është gjesti i dytë publik që Berisha bën në mbrojtje të Metës, duke përfshirë në këtë rast dhe një tjetër zyrtar që i ka shpëtuar nga duart drejtësisë me procedurë, Lulzim Basha.

Treshja Berisha- Meta- Basha, e cila është dhe qendra kryesore e pushtetit në Tiranë, janë duke demonstruar unitetin e tyre para drejtësisë, për të mos u ndëshkuar. Në tavolinë është shfaqur dhe Blendi Fevziu, i cili ka paralajmëruar publikisht mosdënimin e Ilir Metës ditën e hënë.