Braziliani Ronaldo, një prej futbollistëve më të mëdhenj që ka nxjerrë Brazili, rrezikoi që të vdiste më 12 korrik 1998, ditën e finales së Kupës së Botës me Francën. Kjo gjë është bërë e ditur nga ana e kardiologut Bruno Carù.

Atë ditë, Ronaldo pësoi një shqetësim shëndetësor dhe ka luajtur vetëm në momentet e fundit, duke bërë një paraqitje të dobët. Deri më sot, versioni se çfarë ndodhi me Ronaldon atë ditë, ishte se braziliani pësoi një krizë epileptike, për shkak të stresit.

Por, Caru shprehet se Ronaldo ka qenë rëndë, pasi ka pësuar një atak kardiak dhe është rrëzuar përdhe. Ai ka rrezikuar që të vdiste atë ditë, por për fat, situata u normalizua dhe madje, ai pati mundësinë që të zbriste në fushë dhe të luante finalen e botërorit, e cila u fitua nga Franca 3-0.