Një sekretar gjyqesh po shihte pornografi gjatë një seance gjyqësore për shkak se sipas tij ‘gjyqi ishte i mërzitshëm’. Ai u kap nga gjykatësi duke parë materiale hardcore, ndërkohë që një grua po jepte dëshmi të tmerrshme se si ishte përdhunuar. Ngjarja ka ndodhur në një gjykatë në Londër dhe i akuzuari është 54 vjeçari Debasish Majumder.

Ai shihte materialet, ndërkohë që gjykatësin e kishte mu pas vetes. Majumder, i cili kishte vite që punonte në gjykatë, më vonë pranoi se shihte porno gjatë gjyqeve. Një kërkim në shtëpinë e tij gjeti imazhe porno ekstreme, madje edhe pornografi fëmijësh.

Ai është gjetur fajtor, por dënimi ende nuk është dhënë për shkak se do i nënshtrohet një ekzaminimi mjekësor. Avokatja e tij thotë se pas një goditje në tru, ai ka pësuar këtë ndryshim mendor.