Një agjensi lajmesh online,  Presheva Jonë,  ka përzgjedhur foton e bustit të Skënderbeut në Gjenevë, të mbuluar me akull, si foto simbol të saj për vitin 2012 si viti i 100 vjetorit të Pavarësisë.

Në komentin e saj, portali online thotë  se nëse  e shikojmë me vëmendje bustin e  “Skënderbeut” në Gjenevë, të mbuluar me akull, akulli  ka stilisur fytyrën e heroit tonë dhe  duket sikur natyra i ka dhënë jetë bustit të bronxtë duke ruajtur fytyrën e “Skënderbeut” dhe  pamjen e tij krenare. Busti i Skënderbeut është i vendosur buzë liqenit të Gjenevës, në një qendër evropiane, pas këmbënguljes disavjecare të veprimtarit shqiptar, Astrit Leka.