Britania, por jo vetëm ajo, po përgatitet për të festuar 200 vjetorin e lindjes së autorit të njohur Charles Dickens. I vlerësuar nga disa kritikë si autori më i madh i karaktereve në anglisht pas Shekspirit, ai nuk gjen më vend tek brezi i ri. Të paktën kështu thotë biografja e autorit, Claire Tomalin. Ajo thotë se librat e tij janë tepër të gjatë për tu lexuar nga të rinjtë e sotëm, të mësuar me kulturën e televizionit. Ajo thotë se është për të ardhur keq për këtë fakt, por të rinjtë e sotëm nuk janë të edukuar për të pasur një vëmendje të gjatë.